فطيرة الدجاج مع الماشروم والكراث والكوسا

فطيرة الدجاج مع الماشروم والكراث والكوسا

****

image

***

اهلاً من جديد..

جبت لكم اليوم وصفة لذيذة وسهله ومميزة ..

حرصت يكون موضوع جديد مميز في المدونة بمناسبة تكملتها خمس سنوات من الإنشاء..

سعيدة انه في هالسنوات البسيطة قدرت افيد عدد كبير ..

عدد فاق توقعي من المشاهدات والزيارات الحمدلله..

وان شاء الله تستمر المدونة في السنوات الجايه وتفيد عدد اكبر واكبر يارب..

***

image

***

لفطيرة الدجاج:

للحشوة :

( مقادير تقريبية ممكن تزودون وتنقصون بكيفكم )

– ٢ صدور دجاج مطبوخه ومقطعه

– ١ بصل متوسط الحجم مقطعه شرايح

– ١ ١/٢ كأس ماشروم منوع مقطع

– ٢ حبة كراث كبير مقطع حلقات

–  كوسا مقطعه حلقات ( الكمية حسب الرغبة)

– ١/٢ نصف كأس كريم طبخ

– ١/٢ كأس جبن بارميزان مبشور

– ١ ملعقة كبيرة زبدة مع فص صغير ثوم مهروس

للعجينة:

– ٢٧٥ جم طحين

– رشة ملح

– ١٣٥ جم زبدة غير مملحة باردة ( مقطعه مكعبات )

– بيضة متوسطة + بيضة لدهن العجين

– ١ ملعقة كبيرة ماء بارد جداً ( مثلج )

***

image

***

الطريقة:

للعجينة:

في الفود بروسيسر نحط الطحين والملح والزبدة ونخلط بشكل متقطع حتى يكون شكله مثل البقسماط ..

نخلط البيض والماء ونضيفهم للطحين ونخلط ..

المهم مانزودها بالخلط مجرد ماتكون عندنا عجينة متماسكة نوقف خلط..

لو حسينا العجينة بزيادة تتفتت ممكن نزود شوي ماء..

نغلفها ونخليها ترتاح بالثلاجة مدة أقلها ٣٠ دقيقة..

نجهز الحشوة:

نحط الزبدة والثوم في قدر ونضيف البصل والماشروم حتى يذبل ..

نطفي النار ونضيف الدجاج المطبوخ والكراث وكريم الطبخ والبارميزان ونخلط المقادير..

في صحن فرن نحط الحشوة ونغطيها بشرايح رقيقة من الكوسا ..

نسخن الفرن على درجة ٢٠٠ c

نفرد العجينة بسُمك ٣ mm ..

ممكن نقطعها شرايح ونرتبها بشكل طولي وعرضي بالتصميم اللي نبي ..

او مباشرة نغطي فيها الصينية ونقطع الاطراف الزايدة..

ونقطع بالنص شكل x حتى نسمح للبخار يطلع..

يفضل دهن اطراف الصينية ببيض حتى تمسك العجينة..

تدهن بالبيض مرتين للون أجمل واغمق..

تدخل الفرن مدة مابين ٢٥-٣٠ دقيقة..

وبالعافية..

image