كرات البطاطس (بوم بغيزيين)

***

***

طبق فرنسي عبارة عن كرات بطاطس

تتسوى كرات البطاطس بنفس الاداة اللي نستخدمها للفواكة حتى تطلعها لنا كور

واللي تسمى ب ( melon baller )

تنسلق وتتقلب بزبدة مصفيه حتى تتحمر

حلو يقدم كطبق جانبي مع اللحوم او البرجر مثلاً..

الطريقة سهلة جداً..

راح تحتاجون :

٢ حبة كبيرة بطاطس

ملعقة كبيرة زبدة مصفية ( clarified butter )

ملح

اعشاب حسب الرغبة

( استخدمت روزماري. طازج وبقدونس مجفف )

فص ثوم صغير ( حسب الرغبة )

الطريقة:

راح نستخدم الاداة اللي تطلع لنا الفواكة والجح كور

ونسوي كور من البطاطس

نحط الكور في ماء بارد فتره خمس دقايق

ونحتفظ بباقي البطاطس مانرمية ( بنستخدمة بوصفة ثانيه )

بعدها نسلق البطاطس بماء حار مدة مابين عشر دقايق الى ١٢ دقيقة

حتى يلين.. بعدها نطلعه ونخلية على صفايه حتى يجف

في مقلاية نحط ملعقة زبدة مصفيه ( تقدرون تستخدمون الزبدة العادية او السمن )

نضيف الأعشاب  والثوم والبطاطس والملح ونقلب حتى تتحمر كور البطاطس

من كل الجهات ويكون لونها ذهبي..

وبالعافية..