خبز البريتزل مع حشوة الأجبان والبيبروني والبصل المكرمل

خبز البريتزل مع حشوة الأجبان والبيبروني والبصل المكرمل

***

pretzel bun03

***

المقادير..

((( للخبز )))

pretzel bun011

المقادير (1) //

2 1/4 كاس طحين

2 ملعقة صغيرة خميرة

1 1/2 ملعقة صغيرة سكر

1 ملعقة صغيرة ملح

3/4 كاس ماء دافيء بدرجة ( 110 F)  تقريباً

2 ملعقة كبيرة زبدة ذائبة

***

المقادير(2)//

2 ملعقة كبيرة بكينج صودا

ماء مغلي

بيضة

ملح بحر

***

الطريقة..

نحط الماء مع الخميرة والسكر ونخليهم من عشر دقايق لربع ساعه..

في هالاثناء نذوب الزبدة ونخليها حتى تبرد شوي..

نخلط الطحين والملح..

بعد ماخلينا الخميرة ربع ساعه (15 دقيقة) راح نلاحظ ان لها رغوة ..

نضيف الزبدة للخميرة

ونضيفهم للطحين ونعجن لمدة مابين 5-10 دقايق

حتى تكون عندنا جينة لينة بس ماتلزق باليد..

نحط العجينة بوعاء مدهون بزيت زيتون ونخليها تخمر من ساعه لساعه ونص..

المهم حتى يكون حجم العجينة الدبل

بعدها نشكلها لدوائر متساوية بالحجم

انا استخدمت الميزان حتى اضمن ان كلهم يطلعون نفس الحجم

نغطيها بمنشفة ونخليها تخمر مره ثانية لمدة نص ساعه ( 30 دقيقة )..

لما يكون للعجينة ربع ساعه نشعل الفرن على درجة (200 / 400)..

ونجهز المقادير الثانية اللي هي بكينج صودا والماء

والطريقة نجيب قدر ونحط فيه ماء مغلي وتدريجياً نضيف البيكنج صودا

ليش قلت تدريجياً ..؟ لأن البيكنج صودا يكون فوار لما نضيفة للماء

لهالشي نضيفه شوي شوي .. ونخليه على النار حتى يغلي..

يكون بهالوقت الخبز تخمر نص ساعه ..

نجي لمرحلة سلق الخبز بالماء اللي حطينا فيه بيكنج صودا..

نحط كل خبزتين أو ثلاث في الماء

نخليهم 30 ثانية مو اكثر .. ونقلبهم على الجهه الثانية ونخليهم 30 ثانية بعد..

نشيلهم من الماء نستخدم المغرفة اللي زي الصفاية ( slotted spoon )

ونحاول ننتبه لشيل الخبز وتقليبه

نحطه بصينية مدهونة زيت أو على سلبات ( silpat )

مانحط ورق أبد ولابارشمينت .. والا لزق الخبز فيه ولاطلع

ندهنة بالبيض ونرش علية شوي ملح بحر

وبطرف السكين نحط علامات بسيطة أما × أو خطين زي ماانا مسوية

بس ننتبة مانعمق السكين مره

ندخله للفرن لمده مابين 15 -20 دقيقة

المهم حتى ينضج ويتحمر..

***

((( مقادير الحشوة )))

pretzel bun02-1

للبصل..

1 بصلة متوسطة الحجم مقطعه شرايح

1 ملعقة صغيرة سكر بني

1 ملعقة كبيرة خل بلسميك

1/2 ملعقة كبيرة زبدة

1 ملعقة كبيرة زيت زيتون

ملح وفلفل أسود

بيبروني الكمية حسب الرغبة

جبن مومليت

جبن إمنتال

 بيستو الفلفل الأحمر البارد

زبدة

***

للبصل..

نحط الزبدة مع الزيت على النار

نضيف البصل مع الفلفل الأسود والملح والسكر البني والخل

ونقلبه ونخليهم على نار هادية حتى يذبل البصل ويتكرمل

للبيبروني..

نصف البيبروني في صينية وندخله الفرن على درجة 180

بالنسبة للبيبروني فيه كمية دهون عشان كذا مايحتاج ندهن الصينية

راح نخليه عشر دقايق تقريباً .. المهم حتى يبدا يتحمر

نطلعه بعدها راح ينشف اكثر وراح يصير مقرمش

طبعاً لو ماحبيتوة مقرمش مره خلوة 7 دقايق بالفرن

مجرد انه يتحمر شوي وطلعوة..

***

تجهيز الساندوتش..

راح نحط شوي زبدة على الخبز ونحمصة من جوا

نحط جبن الميموليت والخبز حار حتى يذوب الجبن شوي

بعده البيبروني البصل المكرمل وجبنة الإمنتال وبعده البيبروني

واخر شي ندهن الخبز الطبقة اللي فوق بشوي بيستو

وبالعافيه..

***

10 آراء على “خبز البريتزل مع حشوة الأجبان والبيبروني والبصل المكرمل

  1. يعطيك العافية شغلك مرتب ما شاء الله تبارك الله ودي اعرف سبب سلق العجينة وما يتغير شكل العجينة

    1. مشكووورة تسلمين والله.. نسلق الخبز لعدة أسباب منها راح يخلي الخبز ينفش من جوا وقت السلق وبالإضافة الى انه يخلي القشرة الخارجية للخبز لها قوام مختلف ومطاطي واللي جوا كثيف شوي .. و يخلي لونها ذهبي ولامع.. وبالنسبة للشكل لا ما يتغير شكل الخبز هو راح ينفش وقت السلق وبيبين سطحة مو مستوي لكن مجرد ماينخبز بالفرن بيكون شكله مرتب ومتساوي..

  2. نقدر نستغني عن دهن الصينية بالزيت قبل الخبز اذا كانت الصينية تيفال ؟
    السطح ماتساوى بعد الخبز ممكن اعرف وين المشكلة ؟
    شاكرة لك مقدما ❤️❤️
    وترى طبقته تطبيق اول ووسويت لك تاق ف الانستقرام 👌😋🙈

    1. أهلين .. الافضل تدهنين الصينية ولو عندك سلبات احسن بعد .. لان الخبز لما تطلعينة من الموية ممكن يلصق بالصينية لو مااندهنت ولا كان تحتها شي .. السطح يمكن من الاول ماكان متساوي عندك ؟ لانه بس وقت ماتحطين الخبز بالموية بيكون مو متساوي بس بعد مايدخل الفرن راح يتساوى.. مع اني شفت تطبيقك الخبز ممتاز ومتساوي ماشاءالله 😍👍

  3. ربي يعطيك العافيه
    احب اللي يتقن العمل مثلك ما شاء الله
    عملت الخبز هذا العام في رمضان الكل انهبل عليه
    ربي يزيد من فضله ما شاء الله
    من كذا و احسن❤️

اترك تعليقًا

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

شعار ووردبريس.كوم

أنت تعلق بإستخدام حساب WordPress.com. تسجيل خروج   /  تغيير )

Google photo

أنت تعلق بإستخدام حساب Google. تسجيل خروج   /  تغيير )

صورة تويتر

أنت تعلق بإستخدام حساب Twitter. تسجيل خروج   /  تغيير )

Facebook photo

أنت تعلق بإستخدام حساب Facebook. تسجيل خروج   /  تغيير )

Connecting to %s

%d مدونون معجبون بهذه: