فرنش توست مع سلطة الفواكة

***

***

أهلين..

فية كم طريقة للفرنش توست ..

هالطريقة لذيذة جد جد طعم روووووعه..

الفرق بالفانيلا .. السكر البني وشراب القيقب..

كل مكون اضاف نكهه لذيذة..

الوصفة هنا تعتمد على الخبز..

أختاروا نوعية ممتازة ولذيذة .. حتى يطلع الطعم حلو..

***

المقادير والطريقة..

خبز ( تقريباً 4 شرايح عريضة)

للخلطة

( بيضتين – ربع كاس حليب – ملعقة صغيرة فانيلا – ملعقة سكر بني – رشة صغيرة ملح)

* ممكن نضيف رشة قرفة للخليط لو حابين..

نخلط المقادير مع بعض ..ونغمس الخبز بالخليط

في مقلاية نحط ( ملعقة ونص 1 1/2 كبيرة زبدة )

ونقلب الخبز من الجهتين حتى يصير لونة ذهبي

نحط الخبز في صحن ونحط علية شوي شراب قيقب

وممكن نبدله بعسل . بس القيقب ألذ مع الوصفة هذي..

مع قشطة طازجة نضيفلها شوي فانيلا..

لوز شرايح محمص بالفرن .. بدون اضافة زيت ..

مجرد اننا نحط بالفرن شوي حتى يبدأ يتحمص..

ومع الفواكة اللي حابينها..

وبالعافية..

***