كيف نزيل ريحة الأكل من اليدين والفم

كيف نزيل ريحة الأكل من اليدين والفم

***

كيف نزيل ريحة البصل والثوم من اليدين.. 

طبعاً كثير عندة هالمشكله مايعرف كيف يوخر الريحة

وأنا أول كنت أول وحده أعاني من هالمشكله

وكنت أسوي أشياء كثيرة وتروح الريحة

بس بعد جهد ومحاولات كثيرة

لهالشي جمعت لكم أهم الطرق الي توخر الريحة

وترجمتها حتى الكل يستفيد

شي أخذتة من النت وشي من تجربتي

لكن بالبداية وقبل كل شي نتأكد من عدم وجود جروح

أو حساسية أو جفاف شديد باليد

طريقة إزالة الريحة

***

طريقة إزالة ريحة البصل والثوم من اليدين..

 

أولاً.. الملح والماء البارد

ناخذ شوي ملح مع ماء بارد

طبعاً الماء البارد مجرد نقط بسيطه نبي يكون عندنا

زي العجينة .. ونفرك فيها اليد زين

ونركز على ماحول الأظافر..

وميزة الملح مو بس يوخر الريحة ..

راح يزيل القشور ويسوي تقشير بسيط لليدين

إذا مانفع الملح .. نستبدله ببكربونات الصودا

أو القهوة .. أو السكر

والسكر له ميزة أنه مايضر لو فية جرح

بس من الأفضل زي ما قلت بالبداية أننا نعالج الجرح

أو نسكرة ببلاستر قبل نستخدم هالأشياء

ثانياً.. عصير الطماطم

نحط يديننا بعصير طماطم ونخليها لمدة خمس دقايق

بعدين نغسلها بالماء البارد والصابون

ثالثاً.. الاستانلس ستيل المقاوم للصدا

والمقصود فية الفولاذ المقاوم للصدأ

نشوف أيش اللي عندنا مصنوع من الفولاذ

أو نفرك يديننا بملعقة وتكون تحت الماء البارد

يعني كأننا نغسل والملعقة هي الصابونة

طبعاً الحين صار فية صابونة تقوم مقام الملعقة

تكون مصنوعة من الفولاذ مخصصة لهالشي

هنا صورها .. جبتها من دايسو ..

يمكن هالشي يثبت لنا فاعليتة في إزالة الروائح

والسبب في أن مادة الكبريت الموجودة بالبصل

تتفاعل مع المعدن .. وتبطل أو تضعف الريحة

رابعاً.. عصير الليمون .. أو الخل أو غسول الفم

نحط عصير نصف ليمونة في صحن ونحط يدينا فية

لمدة ثلاث دقايق.. وإذا ماعندنا ليمون

نحط خل أو غسول فم.. كلهم نفس المفعول تقريباً

طبعاً أنا أحط في نفس الليمون بعد مااعصرها

شوي سكر وشوي ملح .. السكر ينعم اليدين

والملح يقشر..

خامساً.. زبدة الفول السوداني.. أو المعجون

نفرك يدينا بزبدة الفول السوداني ..

طبعاً راح يكون فية دسم شوي بس المهم يوخر الريحة

 أو المعجون إذا ماكان عندنا زبدة الفول السوداني..

سادساً.. قشر البرتقال..

ندعك يدينا بقشر البرتقال لدقيقتين

سابعاً.. غسل اليدين بالصابون والماء البارد قبل التقطيع..

طبعاً أكيد راح نغسل بالصابون

بس الفكرة مع الماء البارد لأن الدافي يفتح المسام

إزالة ريحة الحمضيات..

أنا من الناس اللي يتضايق من وجود ريحة باليدين بشكل عام

ومالقيت حل ألا بعد غسل اليدين..

نستخدم أي نوع مقشر ومو بس بيخفف أو يشيل الريحة

بيعطي نعومة لليدين

بعدين نحط لوشن معطر..

***

كيف نزيل الريحة من الفم..

طبعاً كلنا عارفين الثلاث خطوات المهمة بإزالة الريحة

تفريش الأسنان واللثة واللسان.. الخيط .. وغسول الفم

نفس الشي بالنسبة لأكل حلاو نعناع أوفكس (المنثول)

* بعد كذا .. فية خلطة مرة حلوة أنا أستخدمها كثير

راح نحس بإنتعاش بعدها

اللي هي في فنجال ماء دافي نحط ملعقة صغيرة من كل من

هيل وقرفة ومسمار وملح

نخلطهم زين ونستخدمهم كمضمضة وغرغرة

مررره رووووعه

* وفية طريقة ثانية بس أحب أنبه أني مدري إذا تضر الأسنان أو لا

أحط عصير ليمون بفرشة الأسنان وأتفرش فيه

* بالنسبة إذا أكلنا ثوم ناكل بعده بقدونس ..

يمكن مايوخر الريحة بقد مايوخر الطعم..

* فية بعد من الأشياء الحلوة..

الوايت كوفي ( القهوة البيضاء )

والقهوة البيضاء للي مايعرفها

هي عبارة عن ماء زهر + ماء.. وممكن إضافة شوي سكر

وطريقتها ..

فنجال ماء مغلي وأقصد بفنجال القهوة التركي

مع ملعقة ماء زهر .. ونقلل أو نكثر الكمية على حسب الرغبة

يمكن ماتوخر الريحة بس تطهر الفم وتوخر الطعم

 ***