السلام عليكم..
هنا راح أكتب الصوصات والتغميسات ( dips ) اللي جربتها..
أخذت بعضها من كتب وبعضها من عندي جربت كثير وأخترت أفضل النتائج اللي طلعت معي..
بعض الطرق كانت محاولة أني أسوي زي بعض المطاعم أو المنتجات اللي أعجبتني..
والمهم في هذا كلة أني ماكتبتها ألا لما توصلت للنتيجة المطلوبة..
كل فترة راح أضيف شي جديد..
واللي حاب يسأل عن طريقة أي صوص غير اللي كتبتهم يسألني..
***
سبانخ كريمي ( ديب )
إضغط هنا
***
صوص الدولتشي دي لتشي DULCE DE LECHE
أضغط هنا
***
***
صوص الشوكولاتة
المقادير:
1 كأس سكر ناعم
2 ملعقة كبيرة نشأ
5 ملاعق كبيرة شوكلاتة بودر خام
2 كأس ماء مغلي
2 ملعقة كبيرة زبدة
1 ملعقة صغيرة فانيلا
1/4 ملعقة صغيرة ملح
الطريقة..
نخلط السكر والشوكولاتة والملح والنشأ بقدر صغير مع شوي ماء بارد
نضيف الماء المغلي للخليط ونقلب بسرعة بملعقة خشب
نحط الخليط على نار هادية مع التقليب المستمر حتى يغلظ
نشيلة من على النار ونضيف الزبدة والفانيلا..
نخلي الخليط يبرد شوي ..
ملاحظة.. لازم يكون الصوص ثقيل ولامع
ويغطي الملعقة يعني تصير طبقة على الملعقة..
***
***
تغميسة الطماطم مع الجبن الأبيض..
المقادير..
3 ملاعق كبيرة زيت زيتون
1 حبة طماطم وسط مقطعة قطع صغيرة
1 حبة بصل صغير مفروم
2 فص ثوم مهروس
2 ملعقة كبيرة بصل أخضر مفروم
2 ملعقة كبيرة بقدونس مفروم
1/2 ملعقة صغيرة من كلاً من
( فلفل أسود – بابريكا – كاري )
فلفل أحمر حسب الرغبة..
3 ملاعق كبيرة جبن أبيض..
1 ملعقة صغيرة نعناع مفروم..
الطريقة..
في قدر على نار هادية..
نحط 2 ملعقة كبيرة زيت زيتون مع البصل
والطماطم والبصل الأخضر ونقلبهم شوي
حتى يذبلون بعدين نضيف الثوم والبهارات
نضيف شوي ماء ونخليهم يطبخون..
حتى يذبل البصل والطماطم تماماً
نطفي النار ونضيف البقدونس
نخليه يبرد وبعدين نحطة بالفود بروسيسر
ونضيفلة الجبن ونخلطهم وبعدين النعناع وزيت الزيتون
طبعاً مااضفت ملح مع الكشنة لان الجبنة مالحة
طبعاً لو حبينا نخفف الديب ممكن نضفيلة شوي زبادي..
***
***
الزبدة بالثوم
الزبدة بالثوم ممكن نستخدمها مع أي شي
خبز الثوم, نحطها فوق الستيك , البرجر, الدجاج, البطاطس المخبوزة بالفرن, المكرونة….مع أي طبق..
طبعاً زبدة الثوم تختلف إضافاتها
ممكن نضيفلها أوريغانو أو بارميزان أو ليمون بابريكا أو بهارات إيطالية ..
بالنسبة لي أنا أحب أحط معها الثوم المعمر..
هنا ماحبيت أكثر الإضافات حتى نقدر نستخدمها مع اي شي..
المقادير..
1 أصبع زبدة غير مملحة ( لينة)
3 فصوص ثوم مفروم فرم ناعم
1 ملعقة كبيرة بقدونس مفروم فرم ناعم
1/4 ملعقة صغيرة فلفل
1/4 ملعقة صغيرة ملح
الطريقة..
طبعاً الزبدة لازم تكون لينة.. نطلعها قبل بفترة من الإستخدام..
نخلط المقادير مع بعضها بالسبتيولا..
نتأكد أنها أمتزجت زين ..
نلفها ببلاستيك التغليف ونخليها على شكل أسطوانة
ونخليها بالفريزر حتى وقت الإستخدام..
* غالباً أسويها بدون بقدونس ..
وأنتم أختارو اللي تحبون .. : )
***
***
صلصة المارينارا
صلصلة المارينارا هي صلصة الطماطم بالأعشاب
هي اللي نستخدمها للبيتزا .. وصوص مع الموزريلا ستيكس
مع المكرونة .. أطباق الدجاج .. ومع أشياء كثيرة
المقادير..
2 ملعقة كبيرة زيت زيتون
1 فص ثوم مفروم ناعم
كاس طماط مقطع
1 ملعقة كبيرة صلصة طماط
ملح وفلفل
1/2 ملعقة صغيرة أوريغانو
1/2 ملعقة صغيرة ريحان
1/2 ملعقة صغيرة سكر
الطريقة..
نسخن الزيت على نار متوسطة ونضيفلها الثوم ونقلبها لمدة خمس دقايق
بعدين نضيف الطماط وباقي المكونات وشوي ملح ونخليها على نار هادية لمدة ساعه
ونقلبها من مدة للثانية
نتبلها بالملح والفلفل .. ونهرسها بالخلاط
***
***
رانش صوص
حاولت أسوي كثيرة رانش صوص وماكانت النتيجة زي ماابي
تطلع صوصات حلوة بس بعيدة عن الرانش
طبعاً انا فبالي أسوي زي ( فدركرز رانش صوص) لان طعمة مرة مميز
وأخيراً جربت هذي الطريقة من عندي وضبطت معاي مية بالمية 
المقادير..
نصف علبة زبادي
نصف علبة ساور كريم
2 ملعقة كبيرة كبار مايونيز
1 ملعقة صغيرة زيت زيتون
1 فص ثوم مسلوق شي بسيط ومهروس ( ابية يكون له طعم بس مو قوي )
رشة ملح
1/2 ملعقة صغيرة أعشاب
الأعشاب المتوفرة عندنا..
أنا خلطت شوي أكليل الجبل وشوي بقدونس مجفف وشوي اوريغانو
وأخذت منهم مقدار نصف ملعقة صغيرة أو أكثر بشوي( حسب الرغبة )
ملاحظة..
دايم أحاول أسوي الصوص قبل بكم ساعه أو يوم أفضل ..
***
***
صوص الثوم..
صوص الثوم له طرق كثيرة مره
اللي يحط فيه بطاطس أو بيض.. اللي يحط ثوم طازج او بودر
وتختلف المكونات اللي تضاف له
انا هنا راح اكتب الطريقة اللي اسويها
طريقة سهلة وخفيفة
علبة زبادي
2 ملعقة طعام مايونيز
2 فص ثوم مهروس
1 ملعقة صغيرة زيت زيتون
1 ملعقة صغيرة ليمون
رشة ملح
ونقدر نستغني عن المايونيز يكون اخف..
***
***
صوص الطحينة..
يسمى صوص الطرطور..
ويسمى بعد صوص التارتار ..
يقدم مع أشياء كثيرة..
مع الأسماك.. ساندوتش الفلافل.. شاورما اللحم..والمشوي
* مقاديرة تختلف عن صوص التارتار الفرنسي..
اللي من أهم مكوناتة المايونيز ومخلل الخيار والبيض..
ويقدم عادة مع الأسماك..
***
المقادير..
3 ملاعق كبيرة طحينة
ربع كاس ماء
1/1 ملعقة صغيرة فلفل أسود
رشة ملح
1 ملعقة كبيرة بصل مقطع شرائح
1 ملعقة صغيرة خل
1 ملعقة كبيرة عصير ليمون
***
هنا استبدلت الثوم بالبصل .. والزبادي بالماء
***
صوص التارتار..
إذا حبيتوا تعرفون أكثر عن الصوص أضغطوا هــنــا
1/2 كاس مايونيز
1/2 كاس مخلل خيار مقطع قطع صغيرة
1/2 ملعقة كبيرة شبت ( أو ) 1 ملعقة كبيرة بقدونس مفروم ناعم
1 ملعقة صغيرة عصير ليمون
1/2 ملعقة صغيرة سكر
1/4 ملعقة صغيرة فلفل أسود
1 ملعقة كبيرة بصل مفروم ناعم ( إختياري)
يفضل أننا نخليه بالثلاجة ساعة قبل التقديم حتى يتماسك
***
ديب للتشيبس
ممكن يكون للتشيبس أو البطاطس المقلي
أو نقدمة مع التورتيا المحمص
هذا الديب كثير سألوني عنة
مع ان مقاديرة سهلة وبسيطة
**
وصفات راوية 
الله يعطيكي العافيه افدتيني كتيييييييييييييير شكرا لك ♥
الله يعافيك يارب.. 🙂