بانيللي

بانيللي

 

image

***

البانيللي من ايطاليا تحديداً من سيسلي( صقلية )

عبارة عن عجينة حمص تقطع مربعات وتنقلي

ياكلونها مثل ماهي او يحطونها بخبز برجر

ومثل كثير اكلات تطورت ساندوتشات البانيللي خصوصاً برا ايطاليا

وصارت الحشوة بالبانيللي بالإضافة إلى الجبن والصوص والخضار المقلية

تعتبر هالأكلة من الستريت فود بإيطاليا

ومثل اغلب أكلات سيسلي يقال ان اصولها عربية

في هالوصفة بالذات لازم تختارون دقيق الحمص بعناية

لانه مره يختلف الطعم من نوع للثاني..

اختاروا نوع ممتاز .. والطعم بيكون لذيذ..

***

المقادير:

١ كاس دقيق الحمص

٢ كاس ماء بدرجة حرارة الغرفه

١/٢ ١ ملعقة كبيرة بقدونس مفروم

ملح وفلفل أسود

زيت للقلي

ليمون وبقدونس للتزيين

الطريقة:

نجهز صينية ماتكون عميقة وندهنها بالزيت ونخليها على جنب

في قدر نخلط دقيق الحمص والماء والملح بالويسك

حتى تمتزج زين ومايكون فيه قطع

نحطة على نار متوسطة ونخلط بالويسك حتى يبدأ يثقل

نضيف فلفل أسود والبقدونس ونحرك بملعقة خشب

حتى يثقل الخليط ..

نصب الخليط بالصينية ونساوي السطح

ونخلي الخليط يبرد تماماً بعدها نقطعه مربعات او مستطيلات

حسب الشكل اللي تحبون

image

بعدها نقليها بزيت عميق حتى يكون لونها ذهبي..

تنأكل دافية..

بالعافية..