باني كوتو

باني كوتو

***

pane cotto01

***

أهلين ..

المطبخ الأيطالي .. وأحد من أكثر المطابخ المفضلة عند الكثير..

المكرونة بأنواعها .. البيتزا .. الروزيتو .. وكثير أشياء ..

وأنا وحدة من الناس اللي أحب الأكل الأيطالي كثير..

عشان كذا دايم احب أقرأ تاريخة وأطباقة

واحد من الأطباق الجديدة اللي عرفتها الباني كوتو ( pane cotto )

ويعني الخبز المطبوخ..

والكلمة قريبه من الحلا المعروف الباني كوتا ( panna cotta )

ويعني الكريم المطبوخ..

لكن أكيد فرق بين الطبقين .. بس وضحت لتشابه الأسماء..

الباني كوتو ..

في ايطاليا هو طبق الفقراء مكونة الأساسي الخبز..

زي كثير من أطباق الفقراء اللي تحتوي على الخبز

والأضافات على هالطبق يكون حسب الموسم..

الطيق الأصلي عبارة عن خبز وبصل وفلفل حار ويضاف له الماء المغلي

ويترك يغلي بالماء وممكن يضافله البيض ..

او اي خضار حسب الموسم

وممكن بعد يضافله السجق أو البيكون.

يعني الفكره يضافله اي شي من المتوفر بالبيت..

ماحبيت اسويه بالماء .. ولأني شفت بعض الوصفات مسوينه بالطماطم..

سويتة بمرق طماطم واخترت نكهات ايطالية

زيت زيتون طماطم ثوم ريحان بارميزان

وطبعاً ولأن الوصفة تعتمد على الخبز .. اخترت نوع ممتاز بالحبوب

لهالشي احرصوا على أختيار نوعية ممتازة ..

***

pane cotto02

***

المقادير..

خبز بالحبوب أو اي نوع

بارميزان

للصوص..

1 علبة طماطم أيطالي

بصلة متوسطة مقطعه قطع صغيرة

3 فص ثوم

ملح وفلفل أسود

1/2 ملعقة صغيرة فلفل حار ( إختياري)

1 1/2 ملعقة كبيرة ريحان مفروم

زيت زيتون

1/2 كاس ماء

***

الطريقة..

في قدر نحط شوي زيت زيتون ونضيف البصل حتى يذبل

نضيف الطماطم بعد مانقطعه صغير والماء والفلفل والملح والفلفل الحار

ونخلية يطبخ شوي ..

نضيف الثوم والريحان

ولو الصوص ثقبل نضيف ماء شوي..

نخفق الصوص شي بسيط ..

وفي صحن نحط الخبز ونحط علية الصوص

نحط عليه شوي زيت زيتون ملعقة كبيرة تقريباً.. والبارميزان..

وبالعافية..

***

ملاحظة..

الطماطم الأيطالية المعلبه متوفرة في كل مكان وكل سوبرماركت

لو بتستخدمون طماط عادي بدالها

استخدموا تقريباً 3 حبة كبيرة طماطم

***