فيه أشياء كثيرة دايم أبحث عنها  أبي أعرفها

سواء كانت بالطبخ أو بحفظ الأشياء أو بالمقاييس أو أو أو…

كنت أتعب عشان الاقي المعلومة

والأهم أن المعلومة اللي أبيها تطلع صحيحة .. لأنه كثير أشياء نقراها شي ولما نطبقها تطلع شي ثاني

والأكيد أنه مو دايم الغلط منا ولا من تطبيقنا لها .. كثير تصير من المصدر الخطأ اللي أخذناها منه..

هنا راح أكتب أي معلومة أعرفها ومتأكدة من صحتها.. ممكن تفيدنا في الطبخ والمطبخ..

***

 أساسيات الطبخ الناجح..

أولا.. المكونات وجودتها .. كثير يغفل عن هالنقطة ..

نحاول نحرص دايم على المكونات اللي جودتها عالية..

ونعرف هالشي بخبرتنا وتجربتنا..

لان كثير تفرق النتائج من مكون للثاني..

ثانياً.. أننا مانستبدل مكون بمكون ثاني

خصوصاً في الحلويات الا لما يكون الشيء مو متوفر

لان كل مكون موجود بالوصفة ..

راح يعطيها طعم او تماسك أو اي شي ثاني..

ثالثاً.. في الخضار والفواكة

فية أشياء تكون أحلى مجمدة أو معلبة وأشياء الطازجة أفضل بكثير..

لازم نعرف وش الشيء اللي نجيبة معلب أو مجمد..

ووشو اللي نجيبة طازج..

مثلاً الذرة دايم المجمدة أحسن.. لكن البروكلي غالباً المجمد أسوأ..

الماشروم الطازج فعلاً أحلى بكثير ولايقارن بالمعلب..

التوت المجمد أفضل من الطازج لأن الطازج أحياناً يكون فية حموضة..

في السمك والدجاج دايم الطازج أحسن من المجمد..

الأشياء هذي ممكن كثير ماينتبهلها..

لكن في الطبخ أشياء بسيطة تفرق بالطعم..

رابعاً.. التقيد بالكميات المكتوبة خصوصاً في الحلويات..

دايم نستخدم الميزان وناخذ الوصفة بالجرام أفضل من الكاس والملعقة..

خامساً.. مدة الطبخ وهي مهمة مررره

خصوصاً في اللحوم والمكرونة والخضار..

لازم نتقيد بالمدة المحددة للطبخ

لأن فية أشياء تذوب أو تفقد قيمتها الغذائية ..

أو تتفتت أو تتعجن أو يتغير شكلها..

سادساً.. التقيد بالترتيب بوضع المقادير..

وهذا الشي يفرق بكثير أشياء..

مثل الملح في اللحوم والعدس لو أضفناة بالأول يقسيهم..

سابعاً.. التريب .. الفطاير الكبة .. كريمة الكيك..

بعض أنواع الحلويات..

كل هالأشياء يبيلها ترتيب ..

نحاول قد مانقدر نخلي أشكالها متساوية ..

نستخدم القطاعات إذا كان ممكن..

أو نقسم العجين قبل مانبدأ بالتشكيل ..

ثامناً.. البرزنتيشن .. أو التقديم.. وهو من الأهم الأشياء..

ومو شرط يكون بأشياء كثيرة ..

مو لازم ولاحلو لما نملأ الصحن خضار.. في الأطباق المالحة

أولازم نقص الطماط وردة أو نفرش الصحن بقدونس..

لازم نعرف أنه يعتمد على الترتيب قبل كل شي..

نفس الشي في الحلويات..

التزيين لازم يكون متناسب مع المكونات..

ونسبة السكر في الحلا..

يعني لو طبق حالي مره مااروح أزينة بسكر بودر أو تشوكلت..

لازم أنتبة لنسبة الحلا فية..

أحياناً أجرب الحلا يكون طعمة حلو.. لكن يكون مزين مثلاً بتشوكلت صوص..

يخرب الطعم كلة .. لأنه يصير بزيادة حالي..

أشياء بسيطة بالتزيين تفرق بالشكل والطعم

البرزنتيشن شي مهم بالأكل بس المهم نعرف كيف

وأيش المناسب..

ولو ماعرفنا النت عندنا أفضل مرجع..

***

 المقاييس..

المقاييس مشكلة كثير منا .. وطبعاً في كثير طبخات وخصوصاً الحلويات هي الأساس ولو أنتي غيرتي شي بسيط خربت عليك الطبخة.. بعضنا ماعندة ميزان للقياس .. وطبعاً هنا راح يتلخبط بالأشياء المكتوبة بالجرام

عشان كذا جمعت لكم مقاييس الأشياء اللي دايم نستخدمها وتحويلها من الجرامات إلى الكاس والملعقة .. والعكس

بس ياليت نستخدم الميزان حتى تضبط الوصفات أكثر..

***

الزبده..

كوب من الزبدة = 8 أوقيات = 227 جم

4/3 كوب زبدة = 170 جم

2/1 كوب زبدة = 113 جم

3/1 كوب زبدة = 76 جم

4/1 كوب زبدة = 57 جم

السكر البودرة والطحين لجميع الإستخدامات..

كأس = 128جم = 4.5 أوقية

4/3 كأس = 96 جم = 3.38 أوقية

3/2 كأس = 85 جم = 3 أوقية

2/1 كأس = 64 جم = 2.25 أوقية

3/1 كأس = 43 جم = 1.5 أوقية

4/1 كأس = 32 جم -= 1.13 أوقية

2 ملعقة كبيرة  = 16 جم

السكر الأبيض الحبيبات..

كأس = 201 جم = 7.1 أوقيه

4/3 كأس = 150 جم = 5.3 أوقيه

3/2 كأس = 134 جم = 4.73 أوقيه

2/1 كأس = 100جم = 3.55 أوقية

3/1 كأس = 67 جم = 2.37 أوقيه

4/1 كأس = 50 جم = 1.78 أوقية

ملعقتين طعام = 25 جم

العسل و الدبس و السيرب..

كأس = 340 جم = 12 أوقية

4/3 كأس = 255 جم = 9 أوقية

3/2 كأس = 227 جم = 8 أوقية

2/1 كأس = 170 جم = 6 أوقية

3/1 كأس = 113 جم = 4 أوقية

4/1 كأس = 85 جم = 3 أوقية

ملعقتين طعام = 43 جم

الشوفان المجروش..

كأس = 85 جم = 3 أوقية

2/1 كأس = 43 جم = 1.5 أوقية

3/1 كأس = 28 جم = 1 أوقية

4/1 كأس = 21 جم = .75 أوقيةِ

***

درجات حرارة الفرن

تحويل درجات حرارة الفرن من الفهرنهايت إلى المئوية

***