اسألني

أهلين ..

الصفحة هذي خصصتها لإسئلتكم بخصوص الطبخ..

وإن شاء الله راح أجاوب باللي أعرفة  : )

**

**

**

68 رأي على “اسألني

      1. أها ..
        كريم التارتار cream of tartar
        هو عبارة عن مسحوق أبيض يستخرج من عصير العنب
        يستعمل في الميرانيغ حتى يساعد على إنتفاخة وتماسكة أثناء الخبز
        يعني مفعولة نفس مفعول البيكنج بودر وبيكربونات الصودا في المخبوزات
        تلاقينة في أي سوبرماركت..
        أنا جبتة من التميمي..

    1. أهلين..
      فية بقسم الحلويات مجموعة وصفات للكب كيك..
      بس الشي الوحيد اللي نسيت أذكرة ..
      أنه لما تسوين كب كيك أستخدمي ملعقة الأيسكريم
      حتى تكون متساوية بالحجم.. 🙂

  1. ماشاء الله تبارك الرحمن
    موقع يفتح النفس
    من احلا مواقع الطبخ اللي دخلتها
    عندي سوال صعنون
    عندي وصفة مكتوب فيها قيقب
    ايش هو؟؟

    1. مشكووورة حبيبتي ..
      الله يسلمك..
      القيقب ويسمى بعد الإسفندان
      وبالإنجلش .. المابل maple
      شراب يصنع من أشجار القيقب السكري
      مشهور بإمريكا وكندا..
      وتلاقينة متوفر في أي سوبرماركت.. 🙂

  2. أهلا أختي أنا اكتشفت موقعك مؤخرا وفعلا أعجبني ماشاء الله وصفاتك روعة وأعجبتني،عندي سؤال حول زيت الزيتون البعض يقول أنه لا يجب الطبخ بها لأنها تحترق بسرعة وبالتالي تصبح مضرة بالصحة بل الأفضل اضافتها الى الطعام بعد طهوه نيعني نطبخ بالزيت العادي وبعدين اذا أردنا الأكلة يكون فيها زيت زيتون نضيفها في النهاية أحسن،وأنا مصدقت هذه المقولة وما أقنعتني أبدا بالعكس أظن أن الطبخ بها أحسن ومافيه مشكلة نما رأيك أرجو منك أن تفيديني ان كان لديك فكرة عن الموضوع،شكرا وبالتوفيق 🙂

    1. مشكوووورة ..
      قريت كثير عن هالموضوع
      وكل اللي عرفتة أنه أعتقاد سائد
      كثير نسمع أنه مايصلح وخطر
      وأن طبخ زيت الزيتون يكسبة الاكسدة
      واللي كلنا نعرف مضارها
      لكن كثير دكاترة نفوا هالشي
      وقالوا أن إستخدامة في الطبخ مايضر
      وفي القلي فسروا تحولة للون الأسود امر طبيعي
      راجع لتحول مادة الكلوروفيل المسؤولة عن اللون الأخضر
      يعني هالشي مايعني أنه أحترق
      لكن ذكروا أنه ممكن يضر في القلي لانه يتصاعد منه أبخرة
      ممكن يكون خطر على المدى البعيد
      بالإضافة إلى عندي كتب طبخ..
      مذكور فيها أنه يستخدم في أكثر من طريقة..
      في الكتاب ذكر الأفضل لأستخدام كل نوع من زيت الزيتون..
      1- زيت الزيتون العادي..
      وهذا مناسب للطبخ بدرجة الحرارة المرتفعة والقلي العميق
      لأن نقطة التدخين فية عالية
      ونقطة التدخين هي درجة الحرارة اللي يبدأ منها أنبعاث الدخان من الزيت إذا سخن
      2- زيت الزيتون البكر ..
      نقطة التدخين فية منخفضة ومع ذلك نقدر نستخدمة في..
      ( flash-frying ) وهو القلي بزيت حار مره بس بمدة سريعة وقليلة
      ( Basting ) تغطية أو دهن اللحوم
      للسلطات وللشوي
      أعتقد أنه لو فية ضرر ماذكر الكتاب كل هالطرق..
      وممكن ترجعين لنقطة التدخين في الطبخ عموما..
      هي اللي تسهل علينا لأي شي ممكن نستخدم أي نوع زيت
      شوفي هنا من ويكبيديا ..

      http://en.wikipedia.org/wiki/Smoke_point

      ***

  3. حبيبتي ابغى طريقه حلوة للطماطم المجففه ما الاقيها دايم وحابه اسويها بنفسي ..

    1. اهلين..
      أول شي أختاري طماطم زين وكبير
      ويفضل يكون حجمة متقارب ..
      أقطعية بالطول لنصفين ..
      ونحط في صينية قماش .. وفوقة نصف الطماطم
      ترشينة بالملح والأعشاب حسب الرغبة
      وتغطينة بقماش بشرط أن القماش مايكون مباشرة على الطماطم
      لازم يكون بينهم مسافة
      ونخليه بمكان تجية الشمس زين
      راح ياخذ من 4 ايام إلى أسبوع حسب الشمس والجو
      بعدين تحطينة ببرطمان وفية زيت
      او ممكن يجلس اسبوع لو ماحطيتي فية زيت
      هذي طريقة التجفيف بالشمس
      أنا أحسها أحلى وأطعم من تجفيف الفرن .. مدري أحبها اكثر..
      بس لو كانتي حابة بالفرن
      اقطعي الطماطم بالنص وصفية بصينية وأدهينة بزيت زيتون
      ورشية بفلفل وملح وأعشاب وخلية بالفرن على درجة 200
      بس هي تاخذ وقت طويل ممكن 4 الى 10 ساعات على حسب

  4. جزاك الله خير على كل شيء
    حبيبتي الكيك مايضبظ معي يطلع قاسي مثل الخبز تنتفخ من جهه وحده وماتكون اسفنجيه اما خليط الكيك الجاهز يضبط معي فرني ناره عاليه من جهه وحده مدري إذا له دخل بالموضوع

    1. أهلين..
      أكيد الفرن له دخل ..
      الكيك إذا طلع قاسي ممكن تكون فيه عدة أمور..
      أرتفاع درجة حرارة الفرن أو أنك تخلينة يطول بالفرن..
      وممكن حتى تكونين تخلطين الكيك أكثر من اللازم..
      وبما أن الخليط الجاهز يضبط معناته ان الخطأ عندك بالمقادير..
      لو أخذتي طريقة مضمونة وطبقتيها زي ماهي بيضبط زي الجاهز..
      إذا فرنك حار من جهه وحدة بعدي الكيك عن الحرارة..
      خلية فمكان تحسين الحرارة فيه متوزعة..
      وعموماً إذا كان حار لاتتقيدين بدرجة الحرارة المكتوبه ..
      يعني لو مكتوب بالوصفة على درجة 180 خليه 160 أو حتى أقل
      فيه أفران تكون حارة بزيادة أكثر من الدرجة اللي هي عليه
      ومن ناحية الأنتفاخ من جزء واحد..
      ممكن تكون صينية الفرن او الكيك مو مستوية..
      أو ماوزعتي الخليط بشكل صحيح أو قربتي الصينية من جدار الفرن
      او ان درجة حرارة فرنك مو منتظمه ..
      بإختصار.. الحل
      اخلطي الكيك مجرد ماتمتزج المكونات لاتزودين الخلط
      خفضي حرارة الفرن إذا فرنك حرارته عاليه
      خلي صينية الكيك بالوسط بعيد عن الشعلة أو تركيز الحرارة اللي قلتية
      وبنفس الوقت بعيد وعن جدران الفرن..
      لاتفتحين الفرن قبل المدة المخصصه للكيك حتى ينضج..
      تأكدي من المكونات أنها جديدة مثل البيكنج بودر..
      وتأكدي من الطريقة أنها صحيحة قبل كل شي ..
      وأحسن حل .. دايم أنا إذا مو ضامنه الطريقة أقرانها بوصفات ثانية
      لو بسوي فيكتوريا كيك مثلا وأستغربت زيادة أحد المقادير أو أختلافها أو اي شي
      أبحث عن وصفات ثانية لفكتوريا كيك وأقارنها إذا زي بعض أو متقاربه بتطلع صح..
      جربي وان شاءاالله تضبط..
      وشوفي هالموضوع بيفيدك كثير أن شاءالله

      المواد الرافعة , الخميرة , الجلوتين

  5. حبيبتي راويه حابهاشكرك جزيل الشكر عن هذي المدونه الاكثر من رائعه ، وبستفسر منك اذا فيه مجال تعاون بيننا في الاطعمة الصحية
    لدي تجربه اظنها جيده ولا تستغني عن اضافاتك وتعديلاتك

  6. السلام عليكم …
    ماجيت اسئل ,جيت امدح ..
    وبين فتره وثانيه لازم اجي اعبر لك عن فرحتي باني اشوف شي جميل زي كذا ..
    لا التصوير ولا الوصفات كل شي يقولي خلي عنك اليوتيوب والمواقع الاجنبيه تعالي هنا هنا السنع هنا الزين ..
    حتى التنويع جميل جدآ نادر القاء مثلك..
    الله يجزاك خير..
    تفتحين النفس.ToT

    1. وعليكم السلام .. ياهلا والله .. يختي كلامك وردك هو اللي يفتح النفس .. من جد مو عارفه كيف أشكرك على ذوقك وكلامك اللي مره فرحني .. مرررره مشكورة الله يسعدك قد ما أسعدني كلامك ويجزاك خيررر يارب .. وان شاءالله دايم أكون عند حسن ظنك .. ❤️❤️❤️

  7. السلام عليكم
    حابه اشكرك على المدونه الاكثر من رائعه
    اذا ما عليك امر ابي اسال وين احصل البيكون البقري مع العلم اني من سكان الرياض

  8. هاي راويه ،، حبيت اسألك بالنسبه لدرجه حراره الفرن ،، في خبز الكوكيز ،، انا فوني جينرال اليتريك الكبير ومافي مروحه ،، استخدمت درجه حراراه180 في الكوكيز خلصت المده وهوا لسه ماستوى ،، حسيت الحراره جدا ضعيفه ،، عليتها الى 250-300 واستوى تمام بس احس كأنو نشف شويتين !!!! في الاول كنت استخدم فرن جينرال برضو بس الصغير وكان في مروحه وكان يشتغل من فرق وتحت سوى ،، ف ابغى اعرف الدرجه المويسه للكوكيز والماكرون في نظام دي الافران

    ميغسي

  9. هاي راويه ،، حبيت اسألك بالنسبه لدرجه حراره الفرن ،، في خبز الكوكيز ،، انا فرني جينرال اليتريك الكبير ومافي مروحه ،، استخدمت درجه حراراه180 في الكوكيز خلصت المده وهوا لسه ماستوى ،، حسيت الحراره جدا ضعيفه ،، عليتها الى 250-300 واستوى تمام بس احس كأنو نشف شويتين !!!! في الاول كنت استخدم فرن جينرال برضو بس الصغير وكان في مروحه وكان يشتغل من فوق وتحت سوى ،، ف ابغى اعرف الدرجه الكويسه للكوكيز والماكرون في نظام دي الافران

    ميغسي

    1. أهلين .. اذا تتكلمين عن الكوكيز هذا تحديداً فهو من النوع اللي يجي ناشف شي بسيط مو زي اللي يجي طري .. وطبعاً هالشي يعتمد على مكونات الكوكيز نفسه .. بس يمكن فيه سبب ثاني انك خليتيه بالفرن اكثر من المدة المحددة هالشي هو اللي ينشف الكوكيز .. انتي شغلي الفرن بس من تحت وبدون مروحة وخلية نفس المده المحددة .. بالنسبه لدرجة الحرارة تختلف من فرن للثاني في أفران تكتسب الحرارة اكثر من غيرها انتي شغلي الفرن قبل بعشر دقايق الى ربع ساعه .. لو حسيتي ان فرنك لسى بارد زودي الحرارة شوي .. للأسف مااقدر افيدك بنوع الأفران لانه ماعندي فكرة كبيرة عنها ..

  10. السلام عليكم ورحمة الله وبركاته
    اول شي أقوله لما افتح مدونتك اللهم بارك لها وزدها من العلم النافع واللهم اكلئها برعايتك واحفظها من كل شر وبارك لها يا رب
    الصراحة كل ما احترت إيش اطبخ افتح على مدونتك مو لازم اطبخ منها بس لو تفتح نفسي عشان اروح اطبخ الله يبارك لك
    عزيزتي بغيت أسأل احياناً لما اروح للمطاعم الإيطالية يقدمون تغميسة فيها زيت زيتون طبعا وثوم وأعشاب ايطالية المميز فيها بقسماط دورت عليها في بعض المواقع ما لقيتها وسألت الشيف عنها بس طبعا ما قال لي مكوناتها بالضبط بس اكتفى بأنها من التغميسات المشهورة في المطاعم الإيطالية اذا تعرفينها ارجو إفادتي ولك مني جزيل الشكر وفائق الاحترام .

    1. وعليكم السلام .. تسلمين على هالكلام والله يجزاك خير يارب .. وان شاءالله دايم تلاقين فيها اللي يعجبك .. الف شكر عزيزتي اسعدتيني بكلامك 💐 التغميسة اللي اعرفها نفس ماقلتي مجموعة أعشاب ومافيها بقسماط .. بكتبلك اياها يمكن تكون هي اللي تبين.. وبرأيي ان طعمها كله يعتمد على جودة زيت الزيتون.. ١ ملعقة صغيرة من كل من ( اوريغانو / روزماري / ريحان / بقدونس / فلفل احمر مجروش ) ١/٢ ملعقة صغيرة بودرة ثوم / ١/٢ ملعقة صغيرة ثوم مهروس / رشة فلفل اسود / ورشة ملح بحر/ ربع كاس الى نصف كاس زيت زيتون .. طبعاً الأعشاب مجففه .. وفي بعض الوصفات بارميزان شي بسيط ..

  11. ما شاء الله موقع رائع ومرتب قوي وواضح جهدك فيك بالتوفيق اختي 👍👏😍

  12. السلام عليكم
    ماشاءالله انتي انسانه مبدعه لابعد الحدود اسال الله ان يمن عليك بحفظه
    عندي كم سؤال تتعلق ببعض المكونات اللي تستخدمينها في طبخاتك
    ابغى اعرف من وين احصل الاعشاب العطريه مثل اكليل الجبل ( الروز ماري) والزعتر البري الطازج؟
    ووين احصل اعواد الفانيلا الطازجه؟
    وذكرتي في احد وصفاتك ملح الهملايا وين ممكن القاه؟
    والله يجزاك خير

    1. الله يسلمك يارب.. شكرًا لك .. الأعشاب والملح البحري موجوده بكل هايبرماركت تجي مغلفه بأكياس او بأحواض صغيرة.. أعواد الفانيلا ( لو انتي بالرياض) تلاقينها بكارفور والتميمي وملتقى الخبازين .. ملح الهملايا قد شفته بالتميمي ..

  13. المدونه اكتر من رائعه حبيتها وراح اجرب كل اللي فيها باذن الله واهنئك على موضوع الستيك استفدت منك كتير شكرا جزيلا ،،، سؤالي عن الايسكريم جربت كتير طرق ومايضبط معي ابد استخدم ماكينة كينوود للايسك يم اذا عندك فكرة او وصفه مضمونة اكون لك شاكرة ‘و بوركتي

    1. شكرا لك واتمنى دائماً تلاقين المطلوب بالمدونة..
      اتمنى افيدك لكن ولامرة سويت ايسكريم ..
      عن قريب ان شاء الله راح اسوية وان شاء الله راح اكتب تدوينة بالتفصيل عنه ..

  14. مدونتك جدا جدا 😍جميله و وصفاتك رائعه ومبتكره ماشاء الله استمري بصراحه انتي مرجع لي وملهمتي في كثير من الوصفات اشكرك عزيزتي على جهودك ولمساتك الانيقه ❤️❤️
    بس عندي سؤال خارج نطاق المطبخ😅 (انتي في اي مدينه ومن وين تشتري مكوناتك) لأن في بعض الوصفات يكون فيها مكونات مو متوفره ودورت عليها في اغلب السوبر ماركت بس مااحصلها ف اضطر استغني عنها او استبدلها 💔💔😩وبصراحه اكون حابه اسوي الوصفه مضبوطه مثل ماسويتيها
    اشكرك عزيزتي على جهدك ورحابة صدرك

  15. السلام عليك راوية ..

    حابة استفسر إذا ممكن تعرفين أطباق مالحة أخبزها ممكن تكون معاي برحلة سفر لمدة أربع ساعات تقريبا .

    شاكرة لك ردك مسبقا ..🌷

  16. اكلاااتج خبااال حلووووه وااايد دقيقه مبدعه 😍😍😍😍بس بغيت اسال شو نوعية الشوكلت الابيض والاسود اللي تستخدمينه ومن وين اقدر اييب مثله لانه دايما اسمع لازم يكون نوعية فاخره فافيديني بلييييز😭😭

  17. الله يسعدك محتاجه مساعدتك في الافران الصغيره الكهربائيه وهل سمعت ع الحمل الحراري ؟طبعا سوالي عن اسم شركه معينه او مواصفات الفرن ؟ وماهو نوع فرنك

  18. الله يسعدك كم مقاس الزبده الاصبع المستخدمه في الفوتشيني يعني كم جرام لان في إصبع صغير وأصبع 100 جرام اي وحده فيهم وشكرا

  19. السلام عليكم
    اولاً احب اشكرك على جهودك المباركة والله يجزاك خير ويسعدك دنيا واخره ويحقق لك امنياتك
    ونبغى وصفة للماكرون وشكراً

  20. ربي يسعدك ، وصفاتك رائعة ومبتكره
    ووصفك للطبخات شيء جميل جداا وأيضا يغري 😍،
    تسلم يديك ،، استمري يا أفضل شيف 💐

  21. السلام عليكم حبيبتي راوية كيف حالك
    اود ان اطلب منك بعد اذنك طريقة الكروسان الفرنسي اللي يجي طبقات دقيقه وشكراً

  22. السلام عليكم ورحمة الله وبركاته
    يعطيك الف عافية
    عندي نقطة بسيطة أو استفسار
    حاب اعرف مقادير الحرام بالكوب

  23. أحب أشكرك على مدونتك و على حسابك في انستغرام. صورك و أكلك و روحك اللي ظاهرة في كل صورة و حرف نشرتيه تجيب السعادة و الإلهام لكل مطلع. تابعي بارك الله في جهودك. ريم البنعلي ، أبوظبي .

  24. السلام عليكم لو سمحتي بحثت عن وصفة السالمون بصلصة الصويا الحلوه والريحان مالفيتها ؟؟؟ ممكن توصلينا لها

  25. صباح الورد
    احبك واحب ترتيبك واحب اكلك المميز مشاء الله تبارك الله
    بغيت منك خدمه بسيطه اذا تقدرين
    انا بسوي مشروع اسر منتجة وبحكم اني ما خرجت برى السعوديه فما عندي الا سندوتشات مشاوي وبرقر 😂
    بس ابي فيها شي مميز صوص مميز شكل مميز
    اذا تقدرين تساعديني وتعطيني كم وصفه حلوه على ذوقك ومن خبرتك
    بتشرفيني وشكرا من القلب ،،،

  26. السلام عليكم .. اخت راوية الله يجزاك خير على ما تقدميه لنا الله يجعله في ميزان حسناتك و يبارك لك في علمك و عملك ..
    الله يسعدك دنيا و آخره ابغى اعرف من وين احصل على خميرة طبيعية ممتازة من خلال خبرتك و عملك .. مين المحل اللي تنصحيني فيه اقدر أجيب منه الخميرة لاني تعبت ما حصلت شي زين و فيه ناس قالوا لي صلحيها بنفسك .. لكن ما ظبطتها .. ارجوا مساعدتي الله يجزاك خير و يجعلك و والديك من اهل الفردوس الأعلى في الجنة

  27. أهلًا وسهلًا ،
    حبّيت أسألك وصفة الكروسان منزلتها بالمدونة ؟ دورتها ماحصلتها 😅♥️

  28. مرحبا عزيزتي ما شاء الله الفن اللي داخلك واضح على اطباقك بِسْم الله عليك 👌🏻😊 فيه حاجه ادورها من زمااان واحد الحين مو محصلتها وحابه اسألك عنها وياليت تفيديني .. 🙈💓

    الزهور الصغيره اللي تحطينها على اطباقك وين ممكن احصلها ؟!

  29. اهلا عزيزتي راوية جمالك وجمال وصفاتك
    حبيت اسألك بحثت عن ساوردو بريد كنت مسويته وماحصلت الطريقة وكذلك اللي بخلطة الحبوب مادري يمكن ماعرفت بس بحثت وماحصلت شي ياليت الطريقه يسعد روحك ❤️

  30. راوية بلييييز تقولين لي من وين اشتريتي القمع حقك ومن وين تنصحين مره احتاجه ~

  31. مرحبا راوية،
    هالفترة حابة اخذ عجانة، وبغيت اسألك عن أفضل عجانة بسعر مناسب .

اترك تعليقًا على ريم البنعلي إلغاء الرد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

شعار ووردبريس.كوم

أنت تعلق بإستخدام حساب WordPress.com. تسجيل خروج   /  تغيير )

Google photo

أنت تعلق بإستخدام حساب Google. تسجيل خروج   /  تغيير )

صورة تويتر

أنت تعلق بإستخدام حساب Twitter. تسجيل خروج   /  تغيير )

Facebook photo

أنت تعلق بإستخدام حساب Facebook. تسجيل خروج   /  تغيير )

Connecting to %s

%d مدونون معجبون بهذه: